گەرا هەشتێ یا فلمەفەستیڤالا دهۆکێ یا ناڤدەولەتی راگههاند؛ فۆکسا پرۆگرامێ ئەڤ سالە دێ ل سەر سینەما یا ئەڤغانستانێ بیت و کۆمەکا فلمێن وان دێ هێنه نیشاندان.
گەرا هەشتێ یا فلمەفەستیڤالا دهۆکێ یا ناڤدەولەتی ئاماژه كرییه، کۆمەکا فلمێن ئهفغانستانی یێن کلاسیک، سینەمایا هەڤدەم یا ئهفغانستانێ و فلمێن ناڤدەولەتی دێ نیشاندەت، پانۆراما ژی دێ رەنگڤەدانا مژارێن جڤاکی، سیاسی و هونەری بیت و دەمێ بۆری و نها ب هەڤرا گرێددەت.
ژ بالکێشێن پرۆگرامی، دەرهێنەر سەدیق بەرماک ژ ئەفغانستانێ کو نوکە ل مشەختگەهێ (مەنفا) ل پاریسێ دژیت، دێ فلمێ خوە یێ ب ناڤێ (ئۆسامە) نیشان دەت كو ژ بۆ فلمێ بیانی یێ ههرهباش هاتبوو بهربژاركرن، ، ههروهسا فلمێ (قهندههار) یێ كلاسیكی یێ دەرهێنەر محسن مەخمالباف دێ هێته نیشاندان.
شەوکەت ئەمین کورکی، رێڤەبەرێ هونەری یێ فلمهفهستیڤالێ دیار كرییه، د نها دا بۆ مە گرنگترە فلمسازێن ئەفغانستانێ مێهڤان بکەینه دهۆکێ ژ بۆ لێکگوهۆرین و هەڤگرتنێ نیشان بدەین.
ههروهسا مەهمەت ئەکتاش، بەرپرسێ پرۆگرامێن ناڤدەولەتی گۆتییه: راستی سینەمایێ دروست دکەت، بابەتێ مشەختگەهێ (مەنفا)، پەنابەری و چاڤدێری بووینە پشکەکا مەزن ژ چێکرنا فلمێن ئەفغانستانێ، لهوڕا گەلەک گرنگە کو ئەم فۆکسێ ل سەر دیمەنێن سینەمایا ئەفغانستانی ولێکگوهۆرینا سەربۆران دابنین.