نێچیرڤان بارزانی د كۆنفرانسێ زانینگهها ئهمریكا دا راگههاند؛ سیستهمێ پهروهردێ ل كوردستانێ ههر ژ باخچهیێن ساڤا ههتا خواندنا بلند پێدڤى ب چاكسازیهكا ریشالى یه.
نێچیرڤان بارزانی، سهرۆكێ ههرێما كوردستانێ د كۆنفرانسێ زانینگهها ئهمریكا دا د گۆتارا خوه دا گۆت: ئهز ل سهفهرێ بووم و تركیزا من ههموو لسهر هندێ بوو چهوا ب ڤی كۆنفرانسی را بگههم ، پێشكهفتنا زانست و تهكنهلۆجیا، چهمك و بها و تێگههشتنا نوو دگهل خوه دئینیت و رهوشا ئابووری و سیاسی و جڤاكی یا نوو دروست دكهت
نێچیرڤان بارزانی دیار ژی كر، سیستهمێ پهروهردێ ل كوردستانێ ههر ژ باخچهیێن ساڤا ههتا خواندنا بلند پێدڤی ب پێداچوونهكا ریشالیی و چاكسازیێ یه و پێشكهفتن هند ب لهز و رۆهنن كو نابیت ئێدی ئهم ل سهر میتۆدا خواندنا كهڤن بچین و چهند زووتر چاكسازیێ د كهرتێ پهروهردێ دا بكهین دێ زووتر گههینه كاروانێ كۆمهلگهها پێشكهفتی
سهرۆكێ ههرێمێ د پشكهكا دی یا گۆتارا خوه دا ئاماژه كر: پرۆسا ههلسهنگاندن، پێداچوون و دهستنیشانكرنا كێموكاسییان نیشانا باوهربخوهبوونا مه دگههینیت، پێدڤییه بزانین مه لكیڤه شكهستن ئینایه و لكیڤه سهركهفتینه و پێدڤییه بوێرهكی دهست ژ چیرۆكێن خوه یێن كهڤن بهردهین و گاڤێن نوو د پرۆژهیێ پهروهردێ دا دهستپێبكهین
