مهكتهبا سیاسی یا پارتی د پهیامهكێ دا پیرۆزباهیێ ل ئێزگهیێ دهنگێ كوردستان دكهت و ئهڤا ل خوارێ دهقێ وێ یه:
بەڕێزان/ رێڤهبهر و ستافێ رێڤهبرنێ و کادرێن ئێزگەیێ دەنگێ کوردستان
ئەڤڕۆ(58)ساڵ ب سەر دامەزراندنا ئێزگەیێ دەنگێ کوردستان دهربازبین، ئەو ئێزگەیێ ب بڕیارا (بارزانیێ نەمر) هاته دامهزراندن ژبۆی كو مل ب ملێ خەباتا پێشمەرگەیێن دلێر و كورێن گەلێ مه رۆڵی گرنگ و کاریگەرێ خۆ ببینیت و ببیتە بڵندگۆیەکا راستەقینە یا ب دهستڤهئینانا ئارمانجان.
ئێزگەیێ دەنگێ کوردستان د وێ قۆتاغا كو هاتیه دامهزراندن پێنگاڤ و دهستكهفتهكێ پر بها و پێشچاڤبوو ژبۆی هوشیاركرن و هاندانا جهماوهری بۆ بهرگریكرنێ ل مافێن نهتهوهیی و نیشتیمانی كو ل ههمبهر ستهم و زۆرداریێ راوهستن.
جهێ دهستێ وی ئیزگهی گهلهك یێ دیاره و كاروانهكێ پر پهخش و بهرههمهكێ دیاره، وهكی مێژوو و راگههاندن و پێشهنگبوویه د پلان و بهرنامهیێن خوه و ب ئهرشیفكرنا بزاڤا دهولهمهندا رزگاربخوازا مللهتێ مه.
و جهێ شانازیێ یه كو ئهو دهنگێ زهلال تا ئهڤرۆ ژی یێ بهردهوامه ل خزمهت گههاندنێ ب دۆزا رهوایا گهلێ مه و حهز و ڤیانا وهلاتیان، ژبهر هندێ ههردهم مل ب ملێ دهزگههێن دیكه و كهنالێن راگههاندنێ ب ئهركێ نهتهوی و نیشتیمان پهروهری رادبن د پهیام و بهرنامهیێ پارتا مه بۆ ههلبژارتنێن داهاتی یێن عیراقێ و هاندانا وهلاتیان بۆ پشكداریكرنێ ل وێ پرۆسێ.
ب ڤێ ههلكهفتێ ژی و سهرهرای پیرۆزباهییان بۆ گوهداران، پشتهڤانیێن خوه بۆ ئێزگهیێ دهنگێ كوردستانێ دووپات دكهینهڤه، و هێڤیدارین بۆ كارنامهیا داهاتی كو زۆرتر ب پلانێن رێكوپێك بهرهڤ پێشڤه بچن و خزمهتێ ب كهلتوور و فهرههنگا ههمهرهنگا كوردستانێ بكهن.
مەکتەبا سیاسی
پارتی دیموکراتی کوردستان
