ئهكادمیا پیرس یا تهپاپێ بۆ یاریزانێن بن ژیێ 16 سالیێدا كهمپا خوه یا راهێنانێ ل باژێرێ ئهنتالیا یێ توركى ب داوى ئینا و بریاره ئهڤرۆ ڤهگهرنه باژێرێ دهۆكێ، پشتى ماوێ حهفتیهكێ كو دو یاریێن ههڤالینى ل وى وهلاتى ئهنجامداین.
د یاریا ئێكێ دا ئهكادمیا پیرس دگهل تیما 17 سالى یا ئهنتالیا سپور وهكههڤبوون بێ گول كو ئهو یانه ئێك ژ یانێن پلا نایابا توركیا و دیاریا دووێ دا ب سهركهفت ل سهر تیما تازهپێگههشتین مهنافگات سپۆر ب گولهكێ بێ بهرامبهر .
ههرژهنگ بابهكر، راهێنهرێ تیما ئهكادمیا پیرس بۆ ئاژانسا خانى دیاركر: ئهوان ئهڤ كهمپا راهێنانى ل وهلاتێ توركیا ئهنجام دا بوو ب مهرهما وێ چهندێ یاریزانێن ئهوان پتر مفاى ژ یاریێن دهرڤهى وهلاتى بینن و شارهزایهكا باشتر بۆ پهیدابیت.
