چاڤه‌رێ دهێته‌كرن سوباهى ب پشكداریا چار یانان هه‌ڤركیێن چارگوشا زێرینا باسكت بۆلا ئیراقێ بهێته‌كرن ل سه‌ر ئاستێ لاوان ل هۆلا گرتیا شه‌عب ل باژێرێ به‌غدا و بتنێ نوونه‌ره‌كا هه‌رێما كوردستانێ تێدا پشكداره ئه‌وژى لاوێن باسكت بۆلا یانا زاخۆ یه .
بریاره سوباهى نوونه‌را هه‌رێما كوردستانێ لاوێن یانا زاخۆ ل ده‌مژمێر 4:00 ئێڤارى یاریا خوه دگه‌ل لاوێن یانا حله بكه‌ن و یاریا دوێ ختوت ل گه‌ل حه‌ی بكه‌ت و سه‌ركه‌فتى هه‌ردو یاریان ئێكسه‌ر ده‌ربازى یاریا دووماهیا خۆلێ بیت.
هوشیار دوبانكى ئه‌ندامێ ده‌سته‌یا كارگێریا یانا زاخۆ بۆ ئاژانسا خانى راگه‌هاند: ئه‌وان ل وه‌رزێ ئه‌ڤ ساله تیمه‌كا جودا دروستكریه ژ سالێن بورى، پتریا یاریزانێن ئه‌وان ژیێ ئه‌وان د بن 18 و 17 سالى دانه به‌روڤاژى تیمێن دى كو پتریا ئه‌وان یاریزانان 18 سالی نه، لێ سه‌ره‌راى یاریزانێن ئه‌وان پرانیا ئه‌وان تازه‌پێگه‌هشتى نه ئه‌وان باوه‌ریه‌كا مه‌زن ب شیانێن ئه‌وان یاریزان هه‌یه دێ ب هه‌ڤركیا ناسناڤێ خۆلا ئیراقێ كه‌ن .
هوشیار دوبانكى دیاركر: ئه‌نجام و ده‌ستڤه‌ئینانا قاره‌مانیا ته‌مه‌كا تایبه‌ت هه‌یه لێ ئارمانجا ئه‌وان یا سه‌ره‌كى ل تیمێن تازه‌پێگه‌هشتیان و لاوان ئه‌وه یاریزانان دروست بكه‌ن بۆ تیما ئێكێ و شنگسته‌كێ باش و مه‌زن بۆ زاخۆ دروست بكه‌ین ل پاشه‌رۆژێ بتنێ پشت به‌ستنێ ل سه‌ر یاریزانێن خومالى بكه‌ن.
