<h3 style="text-align: justify;"><span style="font-size: 18pt;">ئاژانسا خانى،ههژار مهعروف</span> <span style="font-size: 18pt;">بهرى دهمهكێ كێم یاریێن قوناغا 32 ژ كاسا كوردستانێ یا تهپا پێ بوو وهرزێ 2021-2022 ب دووماهیى هاتن كو حهفت نوونهرێن پارێزگهها دهۆكێ د وێ قوناغێ دا پشكداربوون كو چار ژ ئهوان شیان پلێتا دهربازبوونێ بۆ قوناغا 16 مسوگهر بكهن ئهوژى یانێن دهۆك و ئاكرێ و سیمێل و زاخۆ پشتى د یاریێن خوه دا شیان سهركهفتنێ توماربكهن.</span> <span style="font-size: 18pt;">تیما تهپا پێ یا دهۆك ژ دهرڤهى یاریگهها خوه شیا سهركهفتنێ ل سهر یانا خانهقین تۆماربكهت ب سێ گولان بهرامبهر گولهكێ و ئاكرێ ژى شیا سهركهفتنهكا گرنگ ل یاریگهها خوه ل سهر یانا پێشمهرگا توماربكهت ب گولهكێ بێ بهرامبهر و ههردو یانێن سێمێل ل سهر كیستێ ئارارات و زاخۆ ژى ل سهر كیستێ ئاشتى دهربازبوون پشتى ههردو یانان خوه ژ وێ قوناغێ ڤهكێشایى .</span> <span style="font-size: 18pt;">ژلایهكێ دیڤه ههر ئێك ژ گاره و بهردهرهش و تهناهى نهشیان دهربازى قوناغا 16 بن پشتى د یاریێن خوه دا خوسارهت بووین كو تهناهى توشى خوسارهتییهكا مهزن بوو ل گهل چهمچهمال ب پێنچ گولان بێ بهرامبهر و گاره ژى ل گهل نهوروز ل خوسارهت بوو ب لێدانێن پهنهلتیا ب 4-2 گولان پشتى دهمێ دروست یێ یارى ب دووماهیى هاتى بێ گول و بهردهرهش ژى ل گهل شهقلاوه ب سێ گولان بێ بهرامبهر .</span> <span style="font-size: 18pt;">بریاره ل رۆژا پێنچ شهمبیا بهێت یاریێن قوناغا 16 بهێنه ئهنجامدان .</span></h3>
