سوباهی ئێكه‌م رۆژا جه‌ژنا جه‌ما یا ئێزدییانه و رێوره‌سمێن جه‌ژنێ ژبه‌ر دو ئه‌گه‌ران ناهێن گێڕان و حه‌فت رۆژ بۆ فه‌رمانبه‌رێ، ئێزدی بێهنڤه‌دانه.
جه‌هوه‌ر عه‌لی به‌گ، وه‌كیلێ میرێ ئێزدییان بۆ ئاژانسا خانی گۆت: جه‌ژنا جه‌مایا ئێزدییان 7 رۆژان به‌رده‌وامه و سوباهی 6/10/2021 ئێكه‌م رۆژا جه‌ژنێ یه و رێوره‌سمێن ڤێ جه‌ژنێ ل لالشا نورانی دهێنه گێڕأن، لێ ژبه‌ر نووژه‌نكرنا لالشێ و به‌لاڤبوونا ڤایرۆسێ كۆرۆنایێ ئه‌ڤساله ژی جه‌ژن ناهێته گێڕان، لێ ئێزدی و خه‌لك دكارن سه‌ره‌دانا لالشی بكه‌ن.
وه‌كیلێ میرێ ئێزدییان خویا ژی كر، ب بڕیارا جڤاتا رۆحانییان، هه‌ر ئێزدییه‌ك و كه‌سه‌كێ سه‌ره‌دانا لالشێ بكه‌ت پێدڤییه پێخواس بیت، ژن و كچ كه‌فیكا سپی یان ده‌رسوكێ ل سه‌رێ خوه بكه‌ن و پێدڤییه هه‌موو كه‌س د سه‌ره‌دانا خوه دا رێزێ ل بڕیار و پیرۆزییا لالشێ وجهێ ئاینی بگرن.
هه‌روه‌سا خه‌یری بۆزانی، رێڤه‌به‌رێ گشتی یێ كاروبارێن ئێزدییان ل وه‌زاره‌تا ئه‌وقافێ راگه‌هاند؛ ب هه‌لكه‌فتا جه‌ژنا جه‌مایێ حه‌فت رۆژان ل هه‌موو داموده‌زگه‌هێن فه‌رمی بێهنڤه‌دانا فه‌رمی یه بۆ هه‌موو فه‌رمانبه‌رێن ئێزدی.
