مەسعود بارزانی پێشوازی ل بالیۆزێ نوو یێ سویدێ ل ئیراقێ کر

سەرۆك مەسعود بارزانی ئه‌ڤرۆ شه‌مبى 23-10-2021 پێشوازی ل یۆناس لۆڤێن بالیۆزێ نوو یێ سویدێ ل ئیراقێ کر.

د دیدارێدا بالیۆزێ سویدێ ل عیراقێ په‌سنا رۆلێ هێزێن پێشمه‌رگێ كوردستانێ كر د شه‌رێ دژى تیرۆرێدا، و پێزانین ژى بۆ هه‌رێما كوردستانێ هه‌بوون بۆ هاریكاریكرنا ئاواران و په‌نابه‌ران و لێقه‌وماوان، بالیوزێ سویدێ هیڤى خواست كو په‌یوه‌ندیێن دناڤبه‌را وه‌لاتێ وى و هه‌رێما كوردستانێ د وارێ ئابووریدا گه‌شه‌ بكه‌ت.

هه‌ر د وێ دیدارێدا سه‌رۆك بارزانى سوپاسییا وه‌لاتێ سویدێ كر، كو هه‌رده‌م ل گه‌ل ئێش و ئازارێن گه‌لێ كوردستانێ هه‌ڤسوز بوویه‌ و د رۆژانێن ته‌نگاڤییان دا هاریكارییا وه‌لاتیێن كوردستانێ كرییه‌، سه‌رۆك بارزانى پێشوازى ل گه‌شه‌پێدانا په‌یوه‌ندیێن هه‌ردوو ئالیان كر، هیڤیا سه‌ركه‌فتنێ ژى بۆ بالیوزێ نوویێ سویدێ ل عیراقێ خواست د ئه‌رك و كارێن ویدا.

هه‌روه‌سا هه‌ره‌شا تیرۆرێ ل سه‌ر سه‌قامگیریا جیهانێ و به‌رهنگاربوونا تیرۆرێ و توندره‌ویێ ته‌وه‌ره‌كێ دییێ ئه‌وێ دیدارێ بوون.