وهزارهتا كۆچ و كۆچبهرێن عیراقێ راگههاندن، ههتا نوكه 37 هزار خێزانێن ئاوارەیێن عێراقێ ل هەرێما کوردستانێ ماینه.
کەریم نوری، بریکارێ ئیدارییا وەزارەتا کۆچ و کۆچبەرێن عێراقێ بۆ رۆژنامهیێن عیراقێ راگەهاندییه: وەزارەتێ ههتا نوكه ئاسانکاری بۆ ڤهگەڕاندنا 134 هزار ئاوارهێن عێراقێ كرییه.
کەریم نوری هەروەسا راگەهاندییه: ههتا نوكه 39 هزار و 214 خێزانێن عێراقی ل کەمپێن هەرێما کوردستانێ و پارێزگههێن نەینەوا و ئەنبار ماینه و نەڤهگەریانهڤه بۆ جهێن خوه.
بریکارێ وەزارەتا کۆچ و کۆچبەرێن عێراقێ ئاماژە کر، کو ئەو خێزانێن د کەمپاندا ماینه پێكهاتینه ژ 176 هزار و 341 کەسان.
کەریم نوری ئاشکرا كر، کو ب تنێ ل هەرێما کوردستانێ، 37 هزار و 113 خێزانێن ئاوارە ل کەمپێن هەرێما کوردستانێ ماینه و نەڤهگەڕیان سەر ماڵ و حالێن خوه، کو پێكهاتینه ژ 165 هزار و 952 کەسان و د 26 کەمپێن ل هەرێما کوردستانێ، هاتینه ئاكنجى كرن.
