نێچیرڤان بارزانى: لایه‌نێن په‌یوه‌ندیدار هاتینه‌ راسپاردن بۆهاریكاریكرنا زیانڤێكه‌فتیێن له‌هییان

ل دووڤ راگه‌هاندنا سه‌رۆكایه‌تییا هه‌رێمێ، ئه‌ڤرۆ ئێكشه‌مبى نێچیرڤان بارزانى سه‌رۆكێ هه‌رێما كوردستانێ د په‌یوه‌ندییه‌كا ته‌له‌فونى دا ل گه‌ل ئومێد خۆشناو پارێزگارێ هه‌ولێرێ ئه‌نجام دایه‌ و پێداچوون بۆ زیانڤێكه‌فتیێن له‌هییان ل هه‌ولێرێ و چه‌ند ده‌ڤه‌ره‌كێن سنووریێن پارێزگه‌هێ كرییه‌.

سه‌رۆكێ هه‌رێما كوردستانێ راگەهاندییە، سه‌رۆكايه‌تییا هه‌رێما كوردستانێ ژ نێزیكڤه‌ پێداچوونا مه‌یدانى بۆ جهێن زیانڤێكه‌فتیێن له‌هییان دێ كه‌ت، و لایه‌نێن په‌یوه‌ندیدار راسپاردیینه‌ بۆ هه‌ڤكاریكرن و هاریكاریكرنا زیانڤێكه‌فتییان و دابینكرنا پێدڤیاتیێن وان و دبێژیت: چ زیانێن گیانى د له‌هییان دا روو نه‌داینه‌.

 د راگه‌هاندنێ دا هاتییه‌، ئومێد خۆشناو پارێزگارێ هه‌ولێرێ ل سه‌ر جهـ و قه‌بارێ زیانڤێكه‌فتییان و ره‌وشێ ب گشتى زانیارى دانه‌ سه‌رۆكێ هه‌رێمێ.

پشتى كو ل ئێڤارییا دوهى پێله‌كا ب هێز یا باران بارینێ ل هنده‌ك ده‌ڤه‌رێن هه‌رێمێ گرتین، ئه‌ڤه‌ ژى بۆ ئه‌گه‌رێ سه‌رهلدانا له‌هیێن مه‌زن ل پشكه‌ك ژ باژێرى و باژارۆكان و ژ به‌ر هندێ ژى پارێزگارێ هه‌ولێرێ كره‌ بهێنڤه‌دانا فه‌رمى.