ب شه‌ش خالان یاریزانێن دهۆکێ یێن خۆلا عیراقێ و کوردستانێ کارگێریا نوو خه‌لاتکرن

ئاژانسا خانى، هه‌ژار مه‌عروف

به‌ری ده‌مه‌کێ کێم هه‌ردو تیمێن خۆلا عیراقێ و کوردستانێ یێن یانا دهۆک سه‌رکه‌فتن پێشکێشی کارگێریا یانا دهۆک یا نوو کرن.
تیما ته‌پا پێ یا دهۆک یا پشکدار د خۆلا عیراقێ دا ل ناڤ ئه‌رد و جه‌ماوه‌رێ خوه‌ شیا سه‌رکه‌فتنێ ل سه‌ر یانا میسان توماربکه‌ت ب گوله‌کێ بێ به‌رامبه‌ر ئه‌وا ژلایێ کورێ باژێرێ یانێ سیامه‌ند عه‌گید هاتیه‌ تومارکرن ژ چارچوڤێ یاریێن گه‌را ٣ ژ خۆلا عیراقێ یا پلا ئێک و ب ڤی ئه‌نجامی دهۆک خالێن خوه‌ گه‌هاندنه‌ ٧ خالان ژ سێ یاریان.
ژلایه‌کێ دویڤه‌ تیما پشکدار دخۆلا کوردستانێ دا شیا سه‌رکه‌فتنێ ل سه‌ر یانا شه‌قلاوه‌ توماربکه‌ت ب دو گولان بێ به‌رامبه‌ر ژ چارچوڤێ یاریێن گه‌را چارێ ژ خۆلێ.