14  دادوه‌ر و داواكارێن گشتی دێ ل پارێزگه‌ها دهۆكێ ده‌ست بكاربن

ئاژانسا خانی، تایبه‌ت:

ل دووڤ پێزانینێن ئاژانسا خانی بڕیاره‌ سوبه‌  كۆمبوونه‌كا تایبه‌ت د ناڤبه‌را وه‌زاره‌تا داد و په‌یمانگه‌ها دادوه‌ری ل هه‌ولێرێ بهێته‌ كرن بۆ ده‌ستبكاربوونا 59 دادوه‌ر و داواكارێن گشتی یێن نوو ل هه‌رێما كوردستانێ.

ژێده‌ره‌كێ بۆ ئاژانسا خانی دیاركر ژ ڤێ هژمارێ 14 دادوه‌ر و داواكارێن گشتی دێ ل سنۆرێ پارێزگه‌ها دهۆكێ ده‌ست بكاربن پشتی كو سووندا قانوونی دخوون.

ل دووڤ نڤیسارا ده‌ست ب ئاژانسا خانی كه‌فتی، نێچیرڤان بارزانی سه‌رۆكێ هه‌رێما كوردستانێ ژ 1 مه‌ها 9 یا ئه‌ڤ ساله‌ ئیمزا ل سه‌ر دامه‌زراندنا 47 دادوه‌ر و 12 داواكارێن گشتی كریه‌ پشتی كو په‌یمانگه‌ها دادوه‌ری ل هه‌ولێرێ ب دووماهی ئیناین.

دادگه‌ها تێهه‌لچوونا پارێزگه‌ها دهۆك هه‌یاما 10 سالایه‌ كێشا كێمیا دادوه‌ران هه‌یه‌ و ب دامه‌زراندنا ڤان دادوه‌ر و داواكارێن گشتی دێ بارسڤیه‌ك بیت بۆ بله‌زتر برێڤه‌چوونا سكالا و داوایێن وه‌لاتیان.