ده‌نگۆیێ هه‌بوونا كرمان دناڤ موزاندا هاته‌ ره‌تكرن

وه‌زاره‌تێن ساخله‌مى و چاندنێ یێن حكومه‌تا هه‌رێما كوردستانێ لدۆر به‌لاڤبوونا ڤیدیۆیه‌كێ روونكرنه‌ك دا.

هه‌ردوو وه‌زاره‌تان د روونكرنا خوه‌دا ده‌نگۆیێ هه‌بوونا كرمان دناڤ موزاندا ل هه‌رێما كوردستانێ ره‌تدكر و راگه‌هاند؛ چ به‌رهه‌مێن بڤى ره‌نگى ل هه‌رێمێ نینن.

ئه‌ڤ راگه‌هاندنا وه‌زاره‌تێن ساخله‌مى و چاندنێ پشتى وێ یه‌كێ هات كو ده‌مێ چه‌ند رۆژایه‌ پارچه‌ ڤیدیویه‌ك ل تۆرێن جڤاكى به‌لاڤبوویه‌ و تێدا هاتییه‌ دیاركرن، كرمه‌ك دناڤ موزه‌كێدا هاتییه‌ دیتن كو ژێده‌رێ به‌لاڤبوونا نه‌خۆشییه‌كا ب مه‌ترسییه‌.

پشتى دووڤچوونا هه‌ڤپشك یا هه‌ردوو وه‌زاره‌تان ب هه‌ماهه‌نگى لگه‌ل لایه‌نێن په‌یوه‌ندیدار یێن ئیراقى لسه‌ر هاتنا به‌رهه‌مێ موزێ ل ده‌روازه‌یان و وه‌رگرتنا نموونه‌یان ل ناڤ بازارى، ئه‌و بابه‌ته‌ هاته‌ ره‌تدكرن.