مەسرور بارزانی سەرۆکێ حکومەتا هەرێما کوردستانێ،ئهڤرۆ چارشهمبى 3-11-2021 پێشوازی ل کریستیان ریتچەر، شیرهتكارێ تایبەت و سەرۆکێ نوویێ تیما ڤهكولینێن نێڤدەولەتیی ل تاوانێن داعش یونیتاد كر.
د دیدارهێ دا سەرۆکێ حکومەتێ، پیرۆزباهییا دستبەکاربوونێ ل سەرۆکێ نوویێ یونیتاد کر و هیڤیا سەرکەفتنێ بۆ خواست د ئەرکێن وى دا. جەخت ژى ل گرنگییا پاڵپشتیا( یونیتاد) بۆ بزاڤێن حکومەتا ھەرێما کوردستانێ بۆ دادگههكرنا تاوانبارێن داعش کرهڤه.
سەرۆکێ نوویێ تیما یونیتاد، سوپاسییا ههڤکاری و هەماهەنگییا لایەنێن پەیوەندیدارێن حکومەتا هەرێما کوردستانێ ل گەل تیما ڤهكولینێن نێڤدەوڵەتی ل تاوانێن داعش کر.
د كۆمبوونێدا، ئاماژە دا کو ل دوو سالێن بوریدا، حکومەتا ھەرێما کوردستانێ، ب ھزاران بەڵگەیێن تاوانێن تیرۆریستێن داعشێ ڕادەستی تیما یونیتاد کرییه ودێ یا بەردەوام ژى بیت ل ھەر ھەماھەنگییەکا پێدڤى د گەل ئهوێ تیمێ.
دووماهى رێكارێن یاسایى و تهكنیكییا دادگههكرنا تاوانبارێن داعشێ و
ئەرشیڤکرنا تاوانێن وان و دیجیتەلکرنا وان و گهشهپێدانا هەماهەنگییا دناڤبهرا دەستههلاتا دادوەری ل هەرێما کوردستانێ و حکومەتا فیدراڵی، تەوەرهکێ دیێ گۆتوبێژان بوو.
