ئاژانسا خانى، ئازاد گولهیى/ ئهلمانیا
ب مەرەما نووکرن وپێشخستنا کارێ لقێ شەشێ ئوروپا ودووڤ شیرەت وراسپاردێن سەرۆک مسعود بارزانی بۆ پتر گرنگیدانێ برێکخستنێن پارتی ل کێشوەرێ ئوروپا.
دوهی رێکەفتی 6-11-2021 ل باژێرێ ڤانهایم یێ ئەلمانی وب ئامادەبوونا رێبوار یەلدا ئەندامێ مەکتەبا سیاسی و دلشاد بارزانی سەرپەرشتێ لقێ شەش وژمارەکا زۆرا کادرێن پارتی ل سنورێ وێ لقێ کو ژهەموو وەلاتێن ئوروپی هاتبوون لقێ شەش کونفرانسێ خوه گرێدا کو دێ بۆ ماوێ دوو رۆژا ڤەکێشیت.
ل دەستپێکێ ئامادەبوو دەقەکێ رێزگرتن بۆ گیانێ شەهیدا راوەستیان،پاشی فوزی ئهسعد پەیڤا لقێ خواند وتێدا ب خێرهاتنا هەموو مێهڤان وبەشداربوویێن کونفرانسی کر وکورتییەت دا رهوشا رێکخستن وکار وخەباتا لقێ ب درێژاهییا ساڵێن بوری دا.
دووڤدا دلشاد بارزانی سەرپەرشتێ لقێ دپەیڤەکێ دا رونکرنەک دا ئاماژه دا، كو مەرەم ژساکرنا وی کونفرانسی چیە وبوچی هاتییە ساکرن وداخازا سەرکەفتنێ بۆ هەموویان خواست کو بشێن ب رێکا لقێ خزمەتا کوردستانێ بکەن ودەنگێ کوردا بگەهیننە هەموو جهان.
پشتی وێ رێبوار یەلدا ئەندامێ مهكتهبا سیاسى وبەرپرسێ رێکخستنا ناڤەندییا پارتی پەیڤەک پێشکێش کر وتێدا سڵاڤێن گەرمێن سەروک بارزانی گەهاندنە نوونەرێن ناوچە ورێکخراوێن سەر ب لقێ شەش ڤە وداخواز ژێ کر کو دڤی کونفرانسی دا هەموو هەول وبزاڤا بکەنە ئێک بۆ هەلبژارتنا ژمارەکا هەڤاڵان داکو دپاشەروژێ دا ب کار وئەرکێن لقێ برێڤە ببەن وشێوازێ کارێ خو ل ئوروپا پتر پێشبێخن.
