مەسرور بارزانی، سەرۆکێ حکومەتا هەرێما کوردستانێ، ئهڤرۆ ئێكشهمبى 7-11-2021 ل گەل عەبدولڕەحمان سدیق، سەرۆکێ دەستەیا پاراستن و چاککرنا ژینگههێ کۆمبوون.
د کۆمبوونێدا، سەرۆکێ دەستەیا پاراستنا ژینگەهێ، کورتەیەک ژ کارو چالاکیێن دەستەیێ دیاركر و ئاماژە ب هەماهەنگییا ل گەل سازیێن پهیوهندیدارێن حكومهتێ كر.
سەرۆکی حکومەتێ، جەخت ل گرنگییا بابەتێ ژینگەهـ پارێزیێ کر، کو پشكهكا گرنگا کارنامەیا کابینەیا نههێ یا حکومەتا هەرێما کوردستانێ یه . دووپات ژى كر،کو حکومەت کار دکهت، بۆ پاراستنا ژینگەهێ و گهشهپێدانا کولتوورێ ژینگەهـ پارێزیێ د چوارچووڤێ ستاندارێن جیهانی دا، ب مەبەستا پشكداریكرنێ د هەڵمەتا جیهانیی دا یا کێمكرنا گازا کاربۆنی و حکومەتێ ژى بۆ ئەڤێ مەبەستێ، پێدڤى ب پێنگاڤێن كریارى یه، ب تایبهت ب كارئینانا ئهوان گازان ل كێلگهیێن نهفتێ دا دهێته سووتن و بكارئینانا وێ بۆ بهرههمئینانا كارهبێ، ههروهسا چارهسهركرنا كێشا زبل و خاشاكى ب شێوهیهكى، كو مهترسیێن وێ ل سهر ژینگههێ كێم و سنووردار بیت، د داویێ ژى دا جهخت ل بهێزكرنا رێكارێن پاراستنا دارستانێن كوردستانێ هاته كرن.
