پارتى هێرشا تیرورستىیا ئه‌ڤرۆ سپێدێ ل سه‌ر مالا مسته‌فا كازمى هاتییه كرن شه‌مزار كر.
مه‌كته‌با سیاسییا پارتى دیموكراتى كوردستان، ئه‌ڤرۆ ئێكشه‌مبى 7-11-2021 راگه‌هاندن، كو بزاڤا تیرورستیا ل سه‌ر مالا سه‌رۆك وه‌زیرێن عیراقێ مسته‌فا كازمى ل به‌غدا هاتییه كرن ئه‌م شه‌مزار دكه‌ین.
هه‌روه‌سا ئاماژه دا، ئه‌م پارتى دیموكراتى كوردستان بتووندى وێ هێرشێ شه‌مزار دكه‌ین وب كریاره‌كا تیرورستى ل قه‌له‌م دده‌ین . هه‌ر وه‌سا داخواز دكه‌ین ئه‌ڤ كارێن دوژمنكارانه دوباره‌نه‌بنه‌ڤه وهه‌موو لایه‌ك ب جدى كاربكه‌ن بۆ ئاشكراكرنا ئه‌نجامده‌رێن وێ كریارێ وبگه‌هنه سزایێ خوه ژپێخه‌مه‌ت رێگریكرنێ ل كارێن تێكده‌رانه و دابینكرن وپاراستنا سه‌قامگیریێ وئارامیێ.
