ڕێڤهبهرێ گشتییێ ڕاگههاندنێ ل چاپ و بهلاڤكرنێ ب وهكالهت، د نڤیسینهكێدا دووپاتى ل هندٍێ كر، ناڤهرۆكا ڤیدیۆ و كلیپا (مهدرهسه) وێنهكێ نهرێنى ل دۆر پرۆسهیا پهروهرده و خواندنێ نیشا ددهت و ب رهنگهكێ نهجوان بحسێ ماموستایان دكهت، ژبهرهندێ پێدڤیه بهێته ژێبرن و چ دهزگههێن راگههاندنێ نههێته پهخش كرن.
د نڤیسینهكێدا كو ئیمزایا شێروان عهبدوللا خۆرشید رێڤهبهرێ گشتى و ڕاگههاندنا چاپ و بهلاڤكرنێ ب وهكالهت، راگههاند: ڤیدیۆ كلیپا مهدرهسه، كۆمهكا كهسان د ناڤ هۆلهكا خواندنێدا سترانان دبێژن و ناڤهرۆكا وێ وێنهكێ نهرێنى ل دۆر پرۆسا پهروهردێ و خواندنێ نیشا ددهت.
گۆتییه ژى، د ڤیدیۆ كلیپێدا ب ڕهنگهكێ نه جوان باس ل مامۆستایان دكهت كو دویره ژ واقعێ قوتابخانێ و هۆلێن خواندنێ، ئهڤه بهرۆڤاژى ماددهیێ سیێ ژ برگا سیێ ل رێنڤیسا هژماره سالا 14 ژ وهزارهتا ڕهوشهنبیرى و لاوانه ل ههرێما كوردستانێ.
ئاماژهكر، وهزارهتێ بریاردا پێدڤییه ههمى دهزگههێن راگههاندنێ خوه ژ ڤێ كلیپێ ب پارێزن، و خودانێ ڤێ هزرێ و ههمى سترانبێژێن پشكدار، د سۆشیالێن خوه یێن فهرمیدا ڤێ سترانێ ژێ ببهن.
