د.ئەفراسیاب موسا، رێڤەبەرێ گشتیێ ساخلەمیا دهۆکێ، ئەڤرۆ ب سەرپەرشتیا شاندەکى سەرەدانا کۆلیژا نۆشداریا ددانان ل دهۆکێ کر و ژلایێ د.بهار جەعفەر، راگرا کۆلیژێ و ژمارەکا سەرۆک پشکان پێشوازی لێ هاتەکرن.
د.بهار جەعفەر و شاندێ رێڤهبهرییا ساخلهمیێ، ل دۆر رەوشا کۆلیژێ و خزمەتێن ژلایێ کلینیکێن کۆلیژێ دهێنە پێشکێشکرن و کێم و کاسی و داخوازیێن وان گۆتۆبێژكرن.
د.ئەفراسیاب موسا، رێڤەبەرێ گشتیێ ساخلەمیا دهۆکێ، بەرهەڤیا رێڤەبەریێ بۆ پشتەڤانیکرنا کۆلیژێ و قوتابیێن وێ، ب تایبەت د بوارێ خزمەتێن بۆ وەلاتیان دهێنە پێشکێشکرن، وەکو دابینکرنا هندەك ژ پێدڤیێن وان دیارکر داکو بەردەوامی ب خزمەتکرنا قوتابی و نەخۆشان بهێتەکرن و وەکو بارسڤکیەك بۆ کەرتێ ساخلەمیێ.
هەروەسا د.ئەفراسیاب موسا، داخاز ژ راگریا کۆلیژێ کر هاندانا قوتابیان بهێتەکرن د بابەتێ ڤاکسیندانا دژی کۆرۆنایێ دا و خواست قوتابیێن کۆلیژێ ل دووڤ خشتەیەکی سەرەدانا بنگەهێ ڤاکسیندانانێ ل نەخۆشخانا ئازادی بکەن.
کۆلیژا نۆشداریا ددانان ل سالا 2009ێ هاتیە ڤەکرن، هەتا نوکە هەشت خۆلێن دەرچوونێ و 20 باوەرنامێن ماستەرێ هەبووینە، رۆژانە 300 نەخۆش، ژلایێ قوتابیان و ب چاڤدێریا راستەوخۆ یا تایبەتمەندان دهێنە برێڤەبرن.
