<h3 style="text-align: justify;"><span style="font-size: 18pt;">ئاژانسا خانى ، عامر حهسهن</span></h3> <h3 style="text-align: justify;"><span style="font-size: 18pt;">محهمهد یوسف هاریكارێ راهێنهرێ یانا دهۆك ئهوا پشكدار دخولا عێراقێ یاتهپیێ دا، بۆ یانێن پلا ئێكێ لدۆر بهرههڤییا تیما وان دگهل یانا سوق ئهلشیوخ ئهوا ل بهره ل رۆژا چار شهمبیا بهێت ل باژێرێ ناسریه بهێته كرن، بۆ ئاژانسا خانى گوت: مه بهرههڤیێن باش بۆ ڤێ دیدارێ كرینه، ههرچهنده دهمێ مه یێ كورته بۆ راهێنانان ژبهركو دههر حهفتیهكێ ئهم یاریهكێ ئهنجام دهین، بهلێ ب گشتى تیم درهوشهكا گهلهك باش دا دبوریت چ یاریكهرێن دووركهفتى و هنگافتى نین، دیسان دیاركر كو وان چ پێزانیێن هوسا ل سهر تیما مێهڤاندار نینه ژبهركو ئهڤه یاریا ئێكێ یه ئهم بهرامبهر وان ئهنجامدهین ، یاگرنگ ئهوه ئهم هزرێ د سێ خالێن یاریێ دا بكهین و پاراستنا جهێ خوه ل سهرێ لیستا كومێ بكهین، چونكى سهركهفتنا مه دێ بیته پالدهرهكێ بهێز بهرى دیدارا بهێت دگهل ههڤركا خوه یانا كوفه ل یاریگهها خوه بكهین ، بۆ زانین نوكه یانا دهۆك ل سهرێ لیستا كوما ئێكێ ب دههـ خالان دهێت ب ههمان خال بهلێ ب كێمتر گولان یانا كوفه ل رێزا دوێ و سوق ئهلشیوخ ب چار خالان ل رێزا نههێ دهێت.</span></h3>
