ژنه‌كا داعش د زیندانه‌كا فره‌نسا ره‌ڤی

رۆژناما لوپارێزیان یا فره‌نسی به‌لاڤكرییه‌، ژنه‌كا داعش ‌دوهى د زیندانا فرێنسیس ل فره‌نسا ره‌ڤیه‌ بۆ ده‌رڤه‌، به‌لێ پشتى ده‌مه‌كێ كێم ژ لایێ هێزێن ئێمناهیێڤه‌ ل نێزیك دیوارێ زیندانێ هاته‌گرتن.

پۆلیسێن زیندانا “فرێنسیس” دیاركرییه‌، ئه‌و ژنا داعش ژیێ وێ 30 ساله‌، ژ روویێ له‌شى ڤه‌ یا وه‌رزشییه‌، د ژوورا خوه‌ دا تۆنێله‌ك كۆلایه‌ و  خوه‌ گه‌هاندییه‌ ژده‌رڤه‌، ئه‌وێ ژنێ گه‌له‌ك جهـ شكاندینه‌ و ده‌ركه‌تییه‌، ئه‌ڤه‌ بزاڤێن تاكه‌كه‌سى بوون.

 ئه‌ڤ ژنا زیندانى ل مه‌ها 12 سالا 2017 ب ئه‌گه‌رێ په‌یوه‌ندى یێن دگه‌ل رێكخراوا داعش هاتیه‌ده‌سته‌سه‌ركرن، ده‌سپێكێ ل‌ سووریا بوو پاش هاته‌ ڤه‌گۆهاستن بۆ زیندانا فره‌نسا.