وه‌زاره‌تا پێشمه‌رگێ حكومه‌تا هه‌رێما كوردستانێ به‌رسڤا وه‌زیرێ توركیا دایه و راگه‌هاندییه؛ ئاخڤتنێن خلووسی ئاكار وه‌زیرێ به‌رگرییا توركیا جهێ مه‌نده‌هۆشییێ نه.
وه‌زاره‌تا پێشمه‌رگه‌ی د راگه‌هاندنه‌كێدا به‌رسڤا خلووسی ئاكار دایه و دیاركرییه؛ جهێ پرسیارێیه كه‌سه‌ك ل پێگه‌هه‌كێ فه‌رمیێ ده‌وله‌تێدا رێكێ بده‌ته خوه و ئینكارا واقعه‌كێ دیرۆكی و دیمۆگرافی و جوگرافی بكه‌ت.
وه‌زاره‌تا پێشمه‌رگه‌ی د راگه‌هاندنا خوه‌دا گوتییه ژی؛ ئه‌و به‌رێزێ ئه‌ڤ لێدوانه دایی بخوه سه‌ره‌دانا هه‌رێما كوردستانێ كرییه، ئه‌رێ ئه‌و جهێ ته سه‌ره‌دان كری كیڤه‌یه و ناڤێ وی چییه؟
وه‌زاره‌تا پێشمه‌رگه‌ی د به‌رسڤا خوه دا بۆ وه‌زیرێ به‌رگرییا توركیا دبێژیت:عه‌قلییه‌تا ئینكاركرنا ملله‌ته‌كی و جوگرافییا وی هه‌رده‌م سه‌رچاوه‌یێ كێشه‌یان بوویه
