شێخ مزاحم حوێت په‌یڤدارێ عه‌شیره‌تێن عه‌ره‌بى ل ده‌ڤه‌رێن ناكووكى لسه‌ر تایبه‌ت بۆ ئاژانسا خانى دیار كر؛ نێزیكى 30 تیرۆرستێن به‌رپرسێن داعشێ ژ زیندانا په‌كه‌كه- هه‌سه‌ده ره‌ڤینه كو ل زیندانا سیناعه ل حه‌سه‌كێ بوون و هنده‌ك ژ وان به‌رپرسێن داعش دامه‌زرێنه‌رێن رێكخراوا تیرۆرسى یا قاعیده بوون ل سالا 2004ێ و ب رێككه‌فتن ژ زیندانێ ره‌ڤینه.
شێخ مزاحم حوێت گوت ژى، ئه‌وان زانیارى هه‌نه كو هژماره‌كا وان تیرورستان هاتینه عیراقێ، و ل سووریێ ژى ل ده‌ڤه‌رێن ئه‌لبو كه‌مال، هه‌جین و ل ده‌ڤه‌رێن دى یێن د ناڤبه‌را پارێزگه‌ها ئه‌نبار و مووسلدا نه.
په‌یڤدارێ عه‌شیره‌تێن عه‌ره‌بى ل ده‌ڤه‌رێن ناكوكى لسه‌ر ئاشكه‌را ژى كر، ئه‌و به‌رپرسێن داعش یێن ره‌ڤین ب ره‌گه‌ز تونسى، مه‌غربى، هوله‌ندى، عیراقى، سوورى، سعودى و تورك بوون.
