مەسرور بارزانی، سەرۆکێ حکومەتا هەرێما کوردستانێ، ئەڤرۆ سێشەمبی پێشوازی ل “جیلبێرت میتران”، کورێ دۆستا دێرین یا گەلێ کوردستانێ خانم “دانیێل میتران” و سەرۆکێ سازییا (دانیێل میتران-فرانس لیبرتێ) کر.
سەرۆکێ حکومەتێ ب رێز و پێزانین ڤه بهحسێ هەلویستێ دۆستانە و پشتهڤانییا خانم دانیێل میتران و فرانسوا میترانی کر، كو ل رۆژێن دژوار دا پشتهڤانی ل گەلێ کوردستانێ کرینه، لهوما ههردهم کریار و هەلویستێن مێژوویی یێن وان دێ ل بیرا گەلێ کوردستانێ ب زیندی مینن.
سەرۆکێ سازییا (دانیێل میتران- فرانس لیبرتێ)، گۆت: پێشکەفتنا هەرێما کوردستانێ و سەرکەفتنا حکومەتا هەرێمێ، جهێ هیڤی و ئومێدێ یە، ئامادەیا خوه بۆ پشتهڤانییا هەرێما کوردستانێ ل ناڤهندێن دبلۆماسی یێن جیهانیدا دووپات كرییه.
