ئەڤان کۆنسوڵان د نامەیەکێدا، کو ئاراستەی نێچیرڤان بارزانی، سەرۆکێ هەرێما کوردستانێ کرییه، پیرۆزباهى ل هەرێما کوردستانێ دکەن ل سەر جێبەجێکرنا یاسایا خانەنشینا پێشمەرگەى، کو ههتا نوكه 2000 پێشمەرگە ل دووڤ ئهوێ یاسایێ هاتنه خانەنشینکرن، هەر د وێ نامێ دا هاتییه، كو پشتهڤانییا خانەنشینکرنا 830 ئەفسەرێن پێشمەرگەى ژى ددهن.
ئەو چار وهڵاتە، ئەو وهڵاتن کو پشكهكن ژ پرۆسەیا چاكسازیێ دناڤ هێزێن پێشمەرگێ کوردستانێ دا.
د نامهیێ دا بهحسێ كومهكا پێنگاڤێن ههلاویستى یێن پروسهیا چاكسازیێن پێشمهرگهى هاته كرن و كۆنسولێن گشتیێن وان ههر چار وهلاتان دبێژن: ئهم د وێ باوهریێ داینه، پێدڤییه پێنگاڤێن ههر ب وى شێوهى بهێنهكرن و ل سهر برگهیێن ههلاویستى یێن چاكسازیێ، كو وهزارهتا پێشمهرگهى بۆ جڤاتا وهزیران بلندكرینه كو بهێنه پهسهندكرن، بۆنموونه ستراتیژییا بهرگرییا سهربازى و یهكهیێن ژمێریاریێن ئێكگرتى.
ههروهسا بهحسێ پهسهندكرنا داخوازیێن هێزێن حهفتێ بۆ رێكخستنا فهرماندهیێن هێزێن پشتهڤانیا دوو دناڤ وهزارهتا پێشمهرگهى دا.
د داویا ناما خوه دا، كو ئێمزایا كۆنسولێن ههر چار وهلاتان ل سهرن و وێنهك ژى ئاراستهى جێگرێن سهرۆكێ ههرێما كوردستانێ هاتییه كرن، پابهندبوونا ئهوان وهلاتان بۆ پشتهڤانیكرنێ ل پرۆسهیا چاكسازییا هێزێن پێشمهرگهى هاته دووپاتكرن.
