جڤاتا بلندا دادوەرییا عیراقێ ئەڤرۆ روژا ئێک شەمبی راگەهاند، تومەتبارەکێ خوە وەکو دادوەر دایە نیاسین و کوژمەکێ پارەی ژ ژمارەکا وەلاتییان وەرگرتییە و دایە دیارکرن ئەو دێ د کەیسێن وان وەلاتیان دا هاریکاریا وان کەت، لێ تومەتبار هاتیە دەستەسەرکرن و سزایێ 10 سالان ب زیندانیکرنێ ل سەر هاتیە سەپاندن.
جڤاتا بلندا دادوەری د راگەهاندنەکێ دا بەلاڤکریە، د تۆرێن کومەلایەتی دا تۆمارەکا ڤیدیۆیدا بەلاڤبوویە تێدا دیار دبیت کەسەک ل رێستورانتەکێ رونشتیە و دیار کریە ئەو دادوەرە و ژ لایێ هێزێن ئەمنی ڤە هاتییە دەستەسەرکرن، چونکی ئەو کەسێ هاتییە دەستەسەرکرن سەختەکارە و پارە ژ وەلاتیان وەرگرتینە ب ناڤێ دادوەریێ، ب بهانەیا وێ چەندێ دێ هاریکاریا تومەتباران کەت د دوسەیێن وان دا و سزایان ل سەر کێم کەت.
جڤاتا بلندا دادوەری راگەهاندییە، ل دەمێ بابەت گەهشتیە دادگەهێ هەماهەنگی دگەل هێزێن ئەمنی هاتە کرن دا کو ئەو کەسێ سەختەکار بهێتە دەستەسەرکرن، پشتی دەڤچوونێ هێزێن ئەمنی شیان وی تومەتباری دەستەسەر بکەن.
