درۆنا ئێیرۆ ڤایرۆنمێنت ئار كیو 20 پۆما فڕۆكهكا بێفڕۆکەڤانه و قهبارێ ناڤنجییه و ب باتریێ کار دكهت و ب دەستی دهێته فراندن، ژ لایێ کۆمپانیا ئێیرۆڤایرۆنمێنت ڤه هاتییه دروست کرن.
کارێ سەرەکی یێ وێ دڕۆنێ چاڤدێریکرن و کۆمکرنا هەوالگیریێ یە ب رێیا ب کارئینانا کامیرهكێ كو ب تیشکا کارەبایی و تیشکا ژێر سوور یان ژی ئینفرارێد كامێرا کار دكهت.
ئهو درۆنە ب دووراتییا 15 کیلۆمەتران دهێته کۆنترۆل كرن و لهزاتییا وێ دگههیته 83 کیلۆمەتران د دهمژمێرهكێ دا.
ل سالا 2007 بۆ جار ئێكێ ئەڤ درۆنە هاتییه تێست کرن و ههتا نوكه پتری هزار درۆنان هاتینه دروستکرن.
لدووڤ وان زانیاریێن وێ كۆمپانیێ دهربارهی وێ فڕۆكێ بهلاڤكرین، وان ئهو فڕۆكه ب تنێ داینه 10 وهڵات و ههموو ههڤپهیمانێن ئهمریكانه، ژ ئهڤرۆ وێڤه دێ وان درۆنان دهنه هێزا پێشمهرگهیێ كوردستانێ.
د ههمان دهمدا و لدووڤ بودجێ بهرگریێ یێ سالا 2022 ێ یێ ئهمریكا، 5 دانه ژ وان فڕۆكێن بێفڕۆكهڤان بۆ هێزێن پێشمهرگهیێ كوردستانێ دێ هێنه دابین كرن و ل سهر چاوانییا ب كار ئینانا وان، ژ لایێ ئهمریكا ڤه راهێنانێن تایبهت دێ ب پێشمهرگهیی هێنه كرن.
