گوهدار شێخۆ، سەرپەرشتێ ئیدارا سەربەخۆیا زاخۆ ئه‌ڤرۆ دگەل لژنا بلندا رووبرووبوونا کۆرۆنایێ ل زاخۆ کۆمبوو.
د کوومبوونێدا سەرپەرشتیاری دیارکر، پشتی وەزارەتا ساخله‌میێ راپۆرتەك پێشکێشی لژنا بلندا رووبرووبوونا کۆرۆنایێ ل هەرێمێ کری، چەند بریارەك هاتنه دەرکرن بڤی رەنگێ دیارکری:
1. درێژکرنا دەمێ ڤاکسینێ بۆگشت فەرمانبەران (شارستانی ، سەربازی ) تا 20 کانوونا دووێ 2022 ،کو دڤێت هەمی فەرمانبەر پابەندبن ل دووڤ یاسایا ساخله‌مییا گشتی دێ مامەلە دگەلدا هێنەکرن.
2. بۆ خالێن سنووری و هاتنا گەشتییاران ژ دەرڤە، ڤاكسین وه‌رگرتبیت و کارتا ڤاکسینێ ب وان هەبت، ئەگەر نە دڤێت بهێنە پشکنینکرن و تێستا کۆرۆنایێ وەرگرن.
3. دڤێت گرۆپێ گەشتییاری پێش (48) دەمژمێران تێستا کۆرۆنایێ کریبن، یانژی کارتا ڤاکسینێ ب وان هەبتن.
4. لژنا بلندا رووبرووبوونا کۆرۆنایێ بریار داینە کو وەزارەتا ئەوقافێ و کاروبارێن ئاینی دگەل یەکێن کارگێری، کو ل ڕۆژێن بهێندا دێ ڕێنمایێن تایبەت لسەر پرسا تازییان هێتە دان و دبیت ببیتە ڕۆژەك.
5. پێدڤییە هەموو وەلاتی (ئەڤێن ڤاکسین وەرگرتین یان نە وەرگرتین ) ل هەموو جهێن گشتی یێن گرتی وەك (فەرمانگەهێن حکومی، مارکێت، ڕێستۆرانت، جهێن بازرگانی، کۆمپانییان، و جهێن گرتیێن تایبەت) دێ پابەندبن ب بەستنا ماسکێ و دووراتییا (1.5) دناڤبەرا وەلاتییان دا هەبت، ژبۆ پاراستنێ.
