ب بریارا مەسرور بارزانی سەرۆکێ حکومەتا هەرێما کوردستانێ كۆژمێ پتری 300 ملیۆن دیناران، بۆ پرۆژێن خزمەتگوزاریێن قەزا باتیفا هاتنە مەزاختن.
گوهدار شێخۆ سەرپەرشتێ ئیدارا سەربەخۆ یا زاخۆ دیار کر، پشتی بزاڤێن بەردەوام، بۆ خزمەتکرنا خەلکێ دەڤەرێ و ب تایبەت قەزا باتیفا، مەسرور بارزانی سه‌رۆكی حكومه‌تا هه‌رێمێ ڕازەمەندی و جێبەجێکرنا پرۆژێن خزمەتگوزاری ب كۆژمێ پتری 300 ملیۆن دیناران بۆ قەزا باتیفا تەرخانکرن.
ناڤهاتی گۆت ژی: ژ بۆ بەرژەوەندییا گشتی و پێدڤییاتییا خەلکێ وێ” پرۆژێن خزمەتگوزارییێن بۆ قەزا باتیفا هاتینە دەستنیشانکرن کو بکەڤنه د خزمەتا وێ قەزایێ دا، ب ڤی رەنگییە، دروستکرنا ئاڤ ڕێژێ ل سەنتەرێ قەزا باتیفا ب كۆژمێ 97 ملیۆن و 700 هزار دیناران، دروستکرنا عمبارا ئاڤێ ل گەل تۆرا ئاڤێ بۆ گوندێ بەرزیرکێ، نووژەنکرنا تۆرا ئاڤێ ل گەرەکا بەشێن ناڤخۆ ل قەزا باتیفا ب كۆژمێ 63 ملیۆن و 985 هزار دیناران، گەهاندنا کارەبێ بۆ گوندێ کورکا ل قەزا باتیفا ب كۆژمێ 131 ملیۆن و 360 هزار دیناران، دروستکرنا پەرژێن BRC بۆ پاراستنا پرۆژێن دروستکرنا یەکا نیشتەجێبوونێ بۆ وه‌لاتیێن کێم دەرامەت ل قەزا زاخۆ کو سەر ب ئیدارا سەربەخۆیا زاخۆ ڤە یە ب كۆژمێ 39 ملیۆن و 750 هزار دیناران.
