قوناغا دابه‌شكرنا گازا سپی لسه‌نته‌رێ باژێران یا به‌رده‌وامه‌

رێڤه‌به‌ريا سوته‌مه‌نیا ل پارێزگه‌ها دهۆكێ راگه‌هاند، تا نوكه‌ چ گوهرین بسه‌ر بهایی پانزینێ ل پارێزگه‌ها دهۆكێ نه‌هاتیه‌ كرن.

محسن تاها رێڤه‌به‌رێ سوته‌مه‌نیا ل پارێزگه‌ها دهۆكێ تایبه‌ت بۆ ئاژانسا خانى راگه‌هاند، دوو جورێن پانزینا حكومى دگه‌هنه‌ پارێزگه‌ها دهوكێ جوره‌ك‌ ژوان حكومه‌تا فیدرال دهنێریت وجوره‌ك حكومه‌ت هه‌رێما كوردستانی ئه‌هه‌ردوو جوره‌ ب بهایێ 690 دیناران دهێته‌ فروتن.

تاهای دیاركر پانزینا بازرگانى ژى هه‌یه‌، هه‌ر بازرگانه‌ك ب كه‌یفا خو دفروشیت.

لدور بهایێ گازا سپى دیاركر، گازا سپی د دوو قوناغادا هاتیه‌ دابه‌شكرن ئێك ژوان ژلایێ حكومه‌تا هه‌رێما كوردستانێ ڤه‌ بهایێ 55 هزار دینارا ل ده‌ڤه‌رێن چیایى هاتیه‌‌ دابه‌شكرن و قوناغا دووێ ژ لایێ حكومه‌تا فیدرالڤه‌ ل سه‌نته‌رێ باژێران و ب رێكا قایمقاما دهێته‌ دابه‌شكرن تانوكه‌ ئه‌ڤ قوناغه‌ یا به‌رده‌وامه‌.