گۆڤارا زه ناشنال یا بریتانى بهلاڤكرییه: ترۆمبێلا شاهـ فهیسهلێ ئێكێ یێ عیراقێ د زێدهكرنهكا ئۆنلایندا ل ئهمریكا ب دوو ملیۆن و 500 هزار دۆلاران هاته فرۆتن بێ كو كریارا وێ بهێته زانین، ئهو ترۆمبێل ژ جۆرێ مارسدس بوو.
ئهڤه د دهمهكیدایه، ماڵپهرێ كاركووبسى تایبهت ب ترۆمبێلان دیاركربوو؛ موزهخانا باژێرێ ئەندیانابۆلیس ل ویلایهتا ئەندیانا یا ئهمریكا ترۆمبێلهكا كهڤن فرۆتییه و خودانێ وێ ڤهدگهریت بۆ شاهـ فهیسهلێ ئێكێ یێ عیراقێ دناڤبهرا سالێن 1921 و 1933.
د راپۆرتا زه ناشنال دیاركرییه، سالا دروستكرنا ترۆمبێلێ ڤهدگهریت بۆ سالا 1930ێ، دناڤبهرا سالا 1930 بۆ 1939 بتنێ 117 ترۆمبێل ژ وى جۆرى دروستكربوون و تابلۆیا ژمارێ 83807ێ یا عیراقى لسهربوو.
گورهى راپۆرتێ، ترۆمبێل پشتى شاهـ فهیسهلێ ئێكێ ژى مابوو و لسهر دهمێ ههردوو دهستههلاتێن شاهـ غازى و شاهـ فهیسهلێ دووێ ههر ل عیراقێ بوو.
