دیارده‌یا دزینا محاویله‌یێن كاره‌بێ ل به‌رده‌ره‌شێ د زێده‌بوونێدایه‌

ئەندازیار ئەرشەد محەمەد رێڤه‌به‌رێ كاره‌با به‌رده‌ره‌ش راگه‌هاند، دزینا محاویله‌یێن كاره‌بێ ل سنورێ قه‌زا به‌رده‌ره‌ش زێده‌بوویه‌ و شڤێدى دوو محاویله‌یێن كاره‌بێ هاتینه‌ دزین كو ئێك ژ وان ژ قه‌بارێ مه‌زن و ئێك ژى بچووك بوویه‌‌، به‌رى دوو هه‌فتییان ژى كێبلێن چار محاویله‌یان هاتینه‌ دزین.

رێڤه‌به‌رێ كاره‌با به‌رده‌ره‌ش گۆت ژى، ئه‌ڤه‌ كارێ بانده‌كێ دزیكه‌رانه‌ و د ده‌مێ ساله‌كێدا نیزیكى 20 محاویله‌یێن كاره‌بێ هاتینه‌ دزین.

گۆت ژى، مه‌ هێزێن ئێمناهییێ ئاگه‌هداركرینه‌ و هه‌تا نوكه‌ هیچ تاوانباره‌ك نه‌هاتییه‌ ده‌سته‌سه‌ركرن، داخازێ ژ وه‌لاتییان دكه‌ین هاریكار بن كو هه‌ركه‌سه‌كێ ببینن جهێ گومانێ بیت پۆلیسان ئاگه‌هداربكه‌ن ژ بۆ هندێ لایه‌نێن په‌یوه‌ندیدار بشێن رێگریێ ژ وێ دیارده‌یێ بكه‌ن.