دیار صادق به‌رپرسێ پشكا ژینگه‌هێ ل رێڤه‌به‌ریا گشتیا باژێرڤانیێ ل پارێزگه‌ها دهۆكێ بۆ ئاژانسا خانى راگه‌هاند، مه ل سه‌رانسه‌ری قه‌زا سێمێلێ ده‌ست ب دابه‌شكرنا سه‌لكێن گلێشى یێن ره‌نگێ وان كه‌سك لسه‌ر هاولاتیان كریه و پێدڤیه گلێشێ ته‌رو هشك ژێك بهێته جوداكرن، ژبوهندێ دا كارێ ئه‌وان كارگه‌ها ژێك جوداكرنا كلێشێ ل كواشێ ب ساناهیتر لێ بهێت و زێده‌تر مفا ژ گلێشى بهێته وه‌رگرتن.
صادق ئاماژه ب هندێ ژى كر، كو بۆ هەر مالەکێ ئێك سه‌لكا گلێشی یه و ئەڤ سه‌لكە دێ تایبەت بیت بۆ گلێشێ ( هشك ) وەکی ( شیشە ـ ئاسن ـ کارتون ـ کاغەز ـ بتلێت ئاڤێ ـ نایلون ـ پلاستیك ـ كەرستێن ئەلکترونی ـ جل و بەرگێن ژکار کەفتین ـ حەفازە ـ وهەر تشتەکی هشك ) و ئەو حاویێن بەری نوکە هەوە بکار دئینان دێ مینن بۆ گلێشێ تەر وەکی ( هەمی بەرمایکێن خوارنێ ـ هەمی بەرمایکێن فیقی وزەرزەواتی ).
