<h2><span style="font-size: 18pt;">تایبه‌ت:</span></h2> <h2><span style="font-size: 18pt;">رێڤه‌به‌رێ راگه‌هاندنا زانكۆیا دهۆك راگه‌هاند: پتر ژ 100 كه‌سان خوه بۆ 22 پۆستێن جودا جودا ل زانكۆیا دهۆك به‌ربژاركرینه.</span></h2> <h2><span style="font-size: 18pt;">عسمه‌ت خابوور، رێڤه‌به‌رێ راگه‌هاندنا زانكۆیا دهۆك بۆ ئاژانسا خانى گۆت: ب سەرۆکاتییا وەزیرێ خواندنا بلند و ڤەکۆلینێن زانستی، لژنا چاڤپێکەڤتنێ دگەل بەربژارێن 19 پۆستێن راگرییێ و 3 پۆستێن هاریکارێن سەرۆکێ زانکۆیێ سوباهی 13/2/2022 ل هۆلا کونفرانسان ل زانکۆیا دهۆك دێ دەست ب چاڤپێکەڤتنا بەربژاران کەت و ئەڤ چاڤپێکەڤتنە بۆ ماوێ 3 رۆژێن لدویڤ ئێک دێ بەردەوام بن.</span></h2> <h2><span style="font-size: 18pt;">گۆت ژى: بۆ جارا ئێکێیە ئەڤ گۆهورینێن مەزن ب ڤێ میکانیزما مۆدێرن و رێکخستی بهێنە ئەنجامدان و د ناڤ بەربژاران دا هندەك بەربژار هەنە بەری نوکە د وان پۆستان دا بوون و جارەکا دی پێشکێشکرینە هەمان پۆست. هندەکان ژی پێشکێشی هندەك پۆستێن نوی کرینە، هەر بەربژارەك لدۆر ژڤانێ چاڤپێکەڤتنێ دگەل وی هاتیە ئاگەهدارکرن و ئەڤ پرۆسێسە دێ ب ره‌نگه‌كێ مۆدێرن و سەردەمیانە برێڤەچیت.</span></h2>
