عەلی حسێن: پارتی ل دژی چ لایه‌نێن عێراقی نینه‌

عەلی حسێن، ئەندامێ سەرکردایەتییێ و بەرپرسێ مەکتەبا پەیوەندیێن پارتی دیموکراتی کوردستان دیار كر: پارتی ل دژی چ لایەنێن عێراقی نینە، بەلكی نێزیكبوون ل گەل لایەنێن دیتر ل سەر بنەمایێ بەرژەوەندیێن ھەرێما كوردستانێ و گەلێ عێراقێیە.

ناڤهاتی گۆت ژی، بابەتێ پۆستێ سەرۆك كۆماری” رێیه‌كه‌ بۆ بجهئینانا داخوازیێن ھەرێما كوردستانێ و ئەو ژی نوونەراتییا ھەرێمێ دكەن، دڤێت ل ئاستێ وان داخوازییان بن.

عەلی حسێنی دیار كر ژی: “کیژ لایه‌نێ عێراقی ژ بۆ چارەسەرکرنا ئاریشێن مه‌ و بەغدا نێزیک بیت، دێ بزاڤێ كه‌ین خوه‌ نێزیك بكه‌ین، ئه‌ڤه‌ واتایا هندێ ناده‌ت كو ئه‌م ل دژی لایه‌نه‌كێ دی بین، مه‌ ژی بەرژەوەندی یێن خوه‌ هەنە”.

ئه‌و چه‌ند ژی گۆت: “بابەتێ پۆستان رێیه‌كە بۆ بجهئینانا داخوازیێن خەلكێ کوردستانێ، ئەوێن ل بەغدا نوونەراتییا مه‌ دکەن” دڤێت د ئاستێ داخوازیێن مه‌ دابن” مه‌ تێبینی ل سەر سەرۆک کۆماری هەبووینە، دەستوور گه‌له‌ك هاتییه‌ پێشێلکرن” كو ڤێ چه‌ندێ پەیوەندی ب هەرێما کوردستانێ ڤه‌ هەبوویە”.