نێچیرڤان بارزانی، سهرۆكێ ههرێما كوردستانێ ئهڤرۆ د پهیامهكێدا راگههاند: زۆر ب توندى ئیدانهیا هێرشا مووشهكى یا ههولێرێ دكهم كو درهنگیا شهڤا بورى ب شێوهیهكێ ترسنۆكانه و دڕنده و بێى چ بهانهیهك ئارامى و سهقامگیریا ههولێرێ كرییه ئارمانج. سهرۆكێ ههرێمێ گۆت ژی: سوپاس بۆ خودایێ مەزن کو چ زیانێن گیانی ل دووڤ خوە نە ئیناین، ھەڤسوزیێن وەلاتیێن خوشتڤی یێن ھەولێرێینە کو دەمەکێ گران یێ بێزاری و دوو دلی دەربازکری، رویبرریبوونا تەحەدی و گەف و مەترسیان، تەڤای و ئێکرێزی و کارێ پێکڤە ژ ھەموو لایەن و پێکھاتێن کوردستانێ ڤە دھێتە خواستن. نێچیرڤان بارزانی دیاركر: ب ئارمانجکرنا بڤی شێوەی ل سەر ھەولێرێ و دوبارەبوونێ، پێشھاتەکا ترسناک و پێشێلکرنا زەق یا ئارامی و سەقامگیری و سەروەریا ئیراقێ یە، ژبلی ئالوزکرنا رەوشێ و زیان گەھاندنێ ب نوکە و داھاتویێ ئیراقێ چ ئارمانجەکا دی نابیت. سهرۆكێ ههرێما كوردستانێ ل داویا پهیاما خوه دا داخاز ژ حکومەتا فیدرال و جڤاکێ نیڤدەولەتی كر ب جدی ل سەر ڤان دەست درێژیان براوستن و ھەمى بزاڤان بکەن دا جارەکا دی رێک نەھێتە دان بێ رێزی ب سەروەری و سەقامگیریا وەلاتی و ئاسایش و ئارامیا وەلاتیان بھێتە کرن.
