وه‌زاره‌تا پێشمه‌رگه‌یی ده‌ربارەیی هێرشا مووشەکی یا شەڤا بوری یا ل سەر هەولێرێ راگەهاندنه‌ك به‌لاڤكرییه و دیار كرییه: وه‌زاره‌تا پێشمه‌رگه‌یی یا حكومه‌تا هه‌رێما كوردستانێ، ب توندی ئیدانا وان هێرش و ده‌ستدرێژیان بۆ سه‌ر باژێرێ هه‌ولێرا پایته‌خت دكه‌ت، دووپات دكهین ئه‌ڤه ده‌ستدرێژییه‌كا ئاشكرایه بۆ سه‌ر ئاسایش و سه‌قامگیری و پێكڤه ژیانا پێكهاتێن ڤێ ده‌ڤه‌رێ” هێرشێن ب ڤی ره‌نگی، ئیرادا گه‌لێ كوردستانێ لاواز ناكه‌ت و ب ئیرادا پیلایی یا پێشمه‌رگان دێ رووبروو مه‌ترسی و هێرشان بین.
هێزا پێشمه‌رگه‌یێ كوردستانێ، خوازیارا پاراستنا ئاشتی و ئارامییا ڤێ ده‌ڤه‌رێیه، خه‌باتا پیشمه‌رگه‌یی بۆ به‌رگریكرنییه ژ ئاخ و خه‌لكێ كوردستانێ و ڤی ده‌ڤه‌رێیه” د ڤی بیاڤی دا: داخوازێ ژ جڤاكێ نێڤده‌وله‌تی و حكومه‌تا عێراقا فیدڕال دكهین، كارێ جددی بكه‌ن ل سه‌ر وان هێرشان.
د نیگه‌رانین ب روودان و هێرشێن ب ڤی ره‌نگی، هه‌ر هێرشه‌كا بۆ سه‌ر هه‌ڤپه‌یمانان و دۆستێن مه بهێته كرن، ب هێرشێن سه‌ر پێشمه‌رگه‌یی و خه‌لكێ كوردستانێ د‌زانین، هێزا پێشمه‌رگه‌یی ل هه‌رێمێ، مل ب مل ل گه‌ل هێزێن هه‌ڤپه‌یمانان و سوپایێ عێراقێ ئه‌ركێ وان یێ ئێكێ روبروبوونا داعشێ و نه‌هێلان و تێكشكاندنا وانه.
سلامه‌تی و پاراستنا ئاسایشا هه‌رێمێ، ب ئه‌ركێ راسته‌قینه یێ سه‌رملێن خوه د‌زانین، د وی ئه‌ركی ژی دا خه‌مساریێ ناكه‌ین.
