ل شه‌ڤا 13 لسه‌ر 14ێ ئادارا سالا 1991 هه‌مى رێكخستنێن پێشمه‌رگه‌ى هاتنه ئاگه‌هداركرن ل دویڤ گوتنا عومه‌ر دێره‌شی كو ئێك ژ پشكدارێن سه‌رهلدانا دهوكێ بوو كو ده‌مێ ده‌سپێكرنا سه‌رهلدانێ هات، د هه‌مان شه‌ڤدا و ب ئاماده‌بوونا هژماره‌كا زه‌لامان كۆمبوونه‌ك هاته ئه‌نجامدان، ده‌مێ تاریبوونا شه‌ڤێ به‌ره‌ف مالا ئێك ژ پشكدارێن سه‌رهلدانێ چوون بۆ دانانا پلانا هێرشێ لسه‌ر بنگه‌هـ و باره‌گایێن رژێما به‌عس.
دێره‌شی دا دیاركرن د ئه‌وێ شه‌ڤێدا بڕیارا لێدانا گۆرزێ گران بۆ سه‌ر دوژمنى هاته په‌سه‌ندكرن، ل ده‌مژمێر 4 سپێدێ پێشمه‌رگه‌كى ب ده‌نگه‌كێ بلند و ب زمانێ عه‌ره‌بى گازى دوژمنى كر و گۆت: وه‌رن خۆ راده‌ست بكه‌ن، رۆژا هه‌وه ب دوماهى هات ئێدى خه‌لكێ دهۆكێ ژ هه‌وه قه‌بیل ناكه‌ت، دگه‌ل ئه‌ڤێ گازیێ لڤین ب رۆناهیه‌كا كێم دناڤ باره‌گایێ ئه‌منیدا دروست بوون.
