پشتى سه‌ره‌دانا مه‌سرور بارزانى، سه‌رۆكێ حكومه‌تا هه‌رێما كوردستانێ بۆ پارێزگه‌ها دهۆكێ، ئێك ژ داخوازیێن كۆ وه‌لاتیان ئاراسته‌ى سه‌رۆكێ حكومه‌تێ كرین بابه‌تێ گیرۆبوونا شایسته‌ێن دارایى یێن ماموستایێن وانه‌بێژێن سنۆرێ پارێزگه‌ها دهۆكێ و ئیدارا سه‌ربه‌خۆیا زاخۆ بوو دده‌مه‌كى دا كۆ ل هه‌موو پارێزگه‌هێن كوردستانێ ئه‌و شایسته هاتینه خه‌رجكرن لێ ل پارێزگه‌ها دهۆكێ و زاخۆ یێ مه‌هێن چوار و پێنج و شه‌ش یێن سالا بوورى نه هاتینه خه‌رجكرن.
ل سه‌ر فه‌رمانا سه‌رۆكێ حكومه‌تێ، ئه‌و شایسته‌یێن دارایى ب دوو گه‌ران كۆ به‌شه‌كێ وان ل به‌رى نه‌ورۆزێ و به‌شێ دى ل ده‌ستپێكا مه‌ها نیسانێ دێ هێنه خه‌رجكرن.
ب ڤى ره‌نگى سه‌رجه‌مێ شایستێن دارایى دێ هێنه خه‌رجكرن و رێكارێن پێدڤى ژى ژ بۆ وێ یه‌كێ هاتینه به‌ر كۆ شایستێن دارایى یێن ماموستایێن وانه‌بێژ مه‌هانه بهێنه خه‌رجكرن و پاش نه‌كه‌ڤن.
