دژوار سهلمان خالد، رێڤهبهرێ رێڤهبهریا هونهرێ شانۆیێ ل دهۆكێ بۆ ئاژانسا خانى راگههاند: ل دهۆكێ شانۆ نوكه یا د سهكهراتا مرنێدا، پێدڤییه سالانه بۆدجهك بۆ شانۆیێ بهێته دابینكرن و هۆلێن شانۆیێ بهێنه ئاڤاكرن ههتا نوكه هۆلێن شانۆیێ نینن.
دژوار سهلمان گۆت: وان وهك رێڤهبهرى ههر سال پلانا خۆ ههیه، د ئهڤ سالهدا مه پلان فرێكریه وهزارهتا رهوشهنبیرى و پارێزگههێ، بهلێ ئهم د وێ باوهرێداینه ئهو پلان ناهێنه جێبهجێكرن.
رێڤهبهرێ هونهرێ شانۆیێ دیاركر: هۆلا محهمهد عارفى ب تمامى هاتیه نویژهنكرن بهلێ كارهبا گشتى ژێ هاتییه برین، لهورا داخواز ژ حكومهتێ و پارێزگهها دهۆكێ دكهین كارهبا گشتى بهێته دناڤ هۆلێدا.
ژلایێ دی بهشار محهمهد تاهر، رێڤهبهرێ بهرێ یێ پهیمانگهها هونهرێن جوان ل دهۆكێ بۆ ئاژانسا خانى راگههاند: شانۆ ناهێته ههلسهنگاندن ژبهركو سالانه كێمتر ژ 4 شانۆیان دهێنه ئهنجامدان،لهورا پێدڤییه پشتهڤانى ل شانۆكاران بهێتهكرن دا بشێن خهلكێ خۆ و وهلاتێ خۆ ئاڤا بكهن.
