مه‌سرور بارزانى سه‌رۆكێ حكومه‌تا هه‌رێما كوردستانێ د چارچوڤێ پشكدایێ خۆ د كۆڕبه‌ندێ گۆپیتکا حكومه‌تێ یێ كو ئه‌ڤرۆ 29 ی ئادارێ ل دوبه‌ی ئه‌نجامدای راگه‌هاند، ئه‌و دێ دانوستاندنێ دگه‌ل حكومه‌تا فیدرال و دگه‌ل وه‌زیرێ په‌ترۆلێ كه‌ن. وان دڤێت مافێن خۆ یێن ده‌ستوورى بپارێزن ودا خۆیاكرن كو ده‌ستوورێ عیراقێ روهن كریه كا مافێن وان چنه و پێدڤیه چاوا سه‌ره‌ده‌ریێ دگه‌ل بكه‌ین، حكومه‌تا عیراقێ ڤێ چه‌ندێ دزانیت، ئه‌ڤه تشته‌كه چ په‌یوه‌ندى ب یاسایبونا پرۆسێ ڤه نینه، به‌لكى بریاره‌كا سیاسی یه ژ لایێ هنده‌ك كه‌سانڤه هاتیه دان و ب سیاسى هه‌لبژارتیه.
سه‌رۆكێ حكومه‌تا هه‌رێما كوردستانێ ئاماژه ب هندێ ژى كر، پیدڤیه زور ب هوشیارى سه‌ره‌ده‌ریێ بكه‌ین و ب نه‌یاسایى سه‌ره‌ده‌ریێ ناكه‌ین، به‌لكو لدوف ده‌ستوورى مافێن مه رون و ئاشكرانه و دزانین و دشێین چ بكه‌ین و چ نه‌كه‌ین، هه‌روه‌سا مه یاسایه‌ك ژ په‌رله‌مانى كوردستانێ هه‌یه ل سالا 2007 ده‌نگ یێن لسه‌ر هاتینه دان، ودیاركر تا نوكه ئه‌و یاسا ل عیراقێ یێن هه‌ین، تمامكه‌رێن یاسایێن رژێما به‌رێ یا سالێن حه‌فتێیانه، سه‌ره‌راى گوهرینا ده‌ستوورى هێشتا هنده‌ك یاسا نه‌هاتینه گوهرین، و مه‌پێكول كرینه ل ئاستێ فیدراى وان یاسایا جێبه‌جێ بكه‌ین، به‌لێ تا نوكه نه‌شیاینه ده‌ربازبكه‌ین.
بارزانی دیار ژى كر، سازیه‌كا نه‌ىیاسایى كو ده‌ستوورى لادده‌ت و به‌رامبه ژى دا سازیه‌ك هه‌یه كو ل گوره‌ى ده‌ستوورى سه‌ره‌ده‌ریێ دكه‌ت كه‌واته كى به‌رپرسیاره؟ ئه‌و بریاران لسه‌ر مه‌دده‌ن، مه ئه‌و بابه‌ت بۆ پارێزه‌رو دادگه‌هێن ناڤده‌وله‌تى بریه و ئه‌وان هه‌ر ژ ده‌ستپێكێ ئاماژه ب وێ چه‌ندێ كریه كو ئه‌وا حكوماتا هه‌رێما كوردستانێ دكه‌ت چ بنه‌مایێن نه‌یاسایه نینن. مه پشتراست كریه كو حكومه‌تا هه‌رێمێ رێزێ ل وان گرێبه‌ستان دگریت كو دگه‌ل هه‌ڤالێن خوه ئیمزا كرینه.
ده‌رباره‌ی وان موشه‌كێن هالتینه ئاراسته‌كرن بۆ هه‌ولێرێ ل ده‌مێ بوریدا سه‌روكێ حكومه‌تا هه‌رێمێ دا خویاكرن كو ئه‌و شه‌ره مۆشه‌كه ژبۆ دوو ئه‌گه‌ران هاتیه ئه‌نجامدان یێ ئێكێ دروستكرنا فشاره‌كێ ژبه‌ر پێكئنانا حكومه‌تا نوی یا عیراقێ ویێ دووێ هه‌وله‌كه فشاره‌كێ لسه‌ر هه‌رێما كوردستانێ داكۆ وه‌رارێ دكه‌رتێ وزێ و نه‌فتا سروشتی دا نه‌كت ژبه‌ركو دژی به‌رژه‌وه‌ندیا واندایه.
