سکرتێرا پەرلەمانێ کوردستانێ ھەلویستێ خوە لدۆر بزاڤێن سیستەمێ فرە بازنەیی بۆ ھەلبژارتنان دیارکر و دبێژیت، ئەم وەکی پێکھاتە ب چ شێوەیەکی رازینابین دەستکاریا کۆرسیێن کۆتا بھێتەکرن وسیستەمێ فرەبازنەیی بھێتە بجهئینان.
مونا قەھوەچی، سکرتێرا پەرلەمانێ کوردستانێ بۆ ئاژانسا خانی راگههاند: ئەم وەکی پێکھاتە دژی سیستەمێ فرەبازنەیا ھەلبژارتناینە و ئەگەر سیستەمێ فرەبازنەیی بۆ ھەلبژارتنێن پەرلەمانێ کوردستانێ ژی بھێتە جێھگیرکرن ئەم رازینابین ب چ شێوەکی کۆرسیێن کۆتا ڤەگریت، ھەردوو پێکھاتەیێن کریستیان و تورکومان ھەلویستێ خوە دیارکریە لدۆر ئەڤێ پرسێ.
مونا قەھوەچی گۆت ژی: ل ھەلبژارتنێن پەرلەمانێ عیراقێ سیستەمێ فرەبازنەیی ھاتە بجهئینان و گورزەکا مەزن ل پێکھاتێن ھەرێما کوردستانێ کەفت، لەوڕا ناخوازین ھەمان سیستەم ل ھەرێما کوردستانێ بھێتە بجهئینان، ھەروەسا رازینابین دەستکاریا کورسیێن کۆتا بھێتەکرن و ب ھەموو شێوەکی دێ دژی ئەڤێ بزاڤێ بین.
Like this:
Like Loading...
