جه‌عفه‌ر سمۆ: پشتی شه‌رێ داعشێ 100 هزار ئێزدی كۆچبه‌ر بووینه‌

جه‌عفه‌ر سمۆ” رێڤه‌به‌رێ كاروبارێن ئێزدییان ل پارێزگه‌ها دهۆكێ بۆ ئاژانسا خانی دیار كر: به‌ری هاتنا شه‌رێ داعشێ پتر ژ 500 هزار ئێزدى ل عیراقێ و هه‌رێما كوردستانێ هه‌بوون” به‌لێ پشتى هاتنا هێرشا داعشێ بۆ سه‌ر ده‌ڤه‌رێن وان” كوچكرنا كوردێن ئێزدى بۆ ده‌رڤه‌ ده‌ست پێكر و لدویڤ ئامارێن به‌رده‌ست هه‌تا نوكه‌ 100 هزار كوردێن ئێزدى ل عیراقێ و هه‌رێما كوردستانێ چووینه‌ ده‌رڤه‌یی‌ وه‌لاتی و ل وه‌لاتێن بیانی ئاكنجى بووینه‌.

 ناڤهاتی گۆت ژی: هه‌تا نوكه‌ 80% ێ یا كوردێن ئێزدى یێن ئاواره‌یی هه‌رێما كوردستانێ بووین نه‌زڤرینه‌ جهێن خوه‌ ل شنگالێ و ئه‌گه‌رێ نه‌زڤرینا وان نه‌سه‌قامگیرییا ره‌وشا ئه‌منى یا ده‌ڤه‌رێن وانه‌” چونكی چه‌ندین هێزێن جۆدا ل ده‌ڤه‌رێن شنگالێ جهگیر بووینه‌ و ئه‌و هێزه‌ بووینه‌ ژێده‌رێ كێشه‌ و ئالوزیان بۆ كوردێن ئێزدی.

 جه‌عفه‌ر سمۆ هێشتا دبێژیت: هه‌كه‌ رێككه‌فتنا هه‌رێمێ و به‌غدا بۆ ئاساییكرنا ره‌وشا شنگالێ بجهبهێت و پێشمه‌رگه‌ بزڤرنه‌ڤه‌ ده‌ڤه‌رێن شنگالێ گومان تێدا نینه‌ دێ ئاوارێن ئێزدیان ڤه‌گه‌رنه‌ جهێن خوه‌” به‌لێ هه‌كه‌ ره‌وش وه‌كو نوكه بیت‌ خه‌لك ئاماده‌ نینن‌ ڤه‌گه‌رنه‌ڤه‌ شنگالێ.