<h2 style="text-align: justify;"><span style="font-size: 18pt;">ل بیرهوهریا 34 سالیا شالاوا ئهنفالان سهروكێ حكومهتا ههرێما كوردستانێ پهیامهك بهلاڤكر و راگههاند، د 34 سالیا بیرهوهریا ههوا جینوسایدا ئهنفالێدا، ب رێزڤه بیرهوهریا شههیدێن وێ تاوانا درنده یا رژێما بهعس یا عیراقێ ساخ دكهین، و ههمى دهمان دێ ل بیرامهبن.</span> <span style="font-size: 18pt;">سهرهراى وێ یهكێ كۆ ئهنجامدهرێن وێ تاوانا مهزن و سیاسهتا نهژاد پهرست، ب سزایێ خوه گههشتن، لێ پێدڤیه بزاڤێن مه بۆ زێدهتر دانه نیاسینا ههوا جینۆسایدا ئهنفالێ و شهرمزاركرنا ئهنجامدهران و رێگریكرنێ ل دووبارهبوونا وێ تاوانا دژى گهلێ كورد یان ههر گهلهكێ دى ل جیهانێ دبهردهوامبن. نابیت جارهكادى ئهڤ كۆم كۆژییه و وێرانكارییه ل كوردستانێ ب ههر ناڤهك یان بیانویهكێ بیت بهێته دوبارهكرن.</span> <span style="font-size: 18pt;">دڤێ بیرهوهریا خهمگیندا، جارهكادى دووپات دكهین پێدڤیه حكومهتا عیراقێ، ل گورهى دهستورى ئهرك و بهرپرسیارهتیا خوه د قهرهبووكرنا كهسوكارێن شههیدان و قوربانیێن زیانڤێكهفتى یێن ههوا ئهنفالێ و ههموو تاوانێن شهرى و وان كۆم كۆژیێن بهرامبهر خهلكێ كوردستانێ هاتینه كرن، بجهبینیت..</span> <span style="font-size: 18pt;">ئاشكهرایه كۆ ب ئهگهرێ وان تاوانان، خهلك و خاكێ كوردستانێ رووبرووی سیاسهتا قركرن و تالانكرنێ و وێرانكرنێ بوویه، ژبهر ڤێ یهكێ نابیت ئێدى بابهتێ قهرهبووكرنا قوربانیێن دهستێ رژێما پێشتر یا عیراقی بهێته فهرامۆش كرن. </span> <span style="font-size: 18pt;">حكومهتا ههرێما كوردستانێ، ههردهم خۆه ب قهردارێ كهسوكارێن شههید و ئهنفالكریێن كوردستانێ دزانیت و ههموو بزاڤان دكهت كۆ خزمهتهكا باشتر پێشكێشى وان بكهت و ل دویڤ شیانێن خۆه برینێن وان سارێژ بكهت.</span> <span style="font-size: 18pt;">سلاڤ ل گیانێ پاك یێ شههیدێن شالاوێن ئهنفالێ و گشت شههیدێن كوردستانێ</span> <span style="font-size: 18pt;">مهسرور بارزانى</span> <span style="font-size: 18pt;">سهرۆكێ حكومهتا ههرێما كوردستانێ</span></h2>
