جوان رۆژبەیانی: رێخۆشکرن‌ بۆ دەستپێکرنا لڤینێن داعشێ هه‌نه‌

ئاژانسا خانی ، تایبه‌ت:

سه‌رۆكا لژنا ده‌ڤه‌رێن كوردستانی ل په‌رله‌مانێ كوردستانی بۆ ئاژانسا خانی دیار كر : نوكه‌ داعشێ ده‌ست ب لڤینان كرییه‌ و رێخوشكه‌ر ژى بۆ به‌رده‌وامییا هێرشێن چه‌كدارێن داعشێ هه‌نه‌”  چونكی ژبه‌ر ئه‌گه‌رێن سیاسی ڤالاتیێن ئه‌منى نه‌هاتینه‌ پركرن و ره‌وشا عیراقێ یا نوكه‌ ئه‌گه‌ره‌كێ دییه‌ بۆ زێده‌بوونا لڤینێن چه‌كدارێن داعشێ بۆ وێ چه‌ندێ كو خوه‌ رێكبێخن و ده‌ست ب كریارێن خوه‌ یێن تیرۆرستى بكه‌ن.

 جوان رۆژبه‌یانى گوت ژى: ئه‌م چاڤه‌رێی ره‌وشا عیراقێ دكه‌ین داكو بزانین پرۆسا سیاسیا عیراقێ و پێكئینانا حكومه‌تا نوو دێ گه‌هیته‌ كیڤه‌” داكو ئه‌م ژى ده‌ست ب دانوستاندنان بكه‌ین بۆ میكانیزمه‌كا نوو ده‌رباره‌یى ئاسایی كرنا ره‌وشا ده‌ڤه‌رێن كوردستانی یێن ده‌رڤه‌یى ئیدارا حكومه‌تا هه‌رێمێ .

ناڤهاتییێ ئاشكرا كر ژی: ئه‌گه‌رێن سیاسی یێن هه‌ین ل پشت پاشخستنا ئاسایكرنا ره‌وشا وان ده‌ڤه‌ران ” ب تایبه‌تى هنارتنا هێزا هه‌ڤپشك بۆ وان ده‌ڤه‌رێن مه‌‌ترسییا ئه‌منى ل سه‌ر هه‌یی” ژبه‌ركو بریاربوو ب هه‌ڤپشكی ره‌وشا ئه‌منى بهێته‌ كونترۆل كرن.