رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ دئاگه‌هداریه‌كێدا دایه دیاركرن كو ئه‌وان موله‌ت ژ دوو وه‌به‌رهێنه‌ران ڤه‌كێشایه ژبه‌ر نه‌پێگيريكرنا وان ب ياسا و رێنمايێن وه‌به‌رهێنانێ، ئه‌ڤجا هه‌ر وه‌به‌رهێنه‌رێ حه‌ز و شیان هه‌بیت بۆ وه‌رگرتن و تمامکرن و ب دوماهیکئینانا ئێک ژ هەردوو پرۆژه‌یان دشێت ل رۆژا ( 12/5/2022) ل دەمژمێر 12 نیڤرۆ سه‌ره‌دانا رێڤه‌به‌ريا گشتى یا وه‌به‌رهێنانێ ل دهۆكێ بكه‌ت بۆ پێشكێشكرنا داخازیا خۆ.
پڕۆژەیێ کارگەها الرحمن بۆ بەرهەمئینانا بلۆکێن بۆنزا: پڕۆژە دکەڤیتە دەڤەرا پیشەسازیا کواشێ ل قەزا سێمێلێ ل سەر پارچە زەڤیا ژمارە (56-57) – قەزا سێمێلێ/کواشێ و رووبه‌رێ پڕۆژه‌ى 11213.29م2 یە و ب رێژا 10% هاتییە بجهئینان.
پڕۆژەیێ AVADAN BUILDINGیێ بازڕگانی: AVADAN BUILDING پڕۆژەیەکێ بازڕگانییە و دکەڤیتە دسنوورێ باژێڕڤانیا تەناهیێ دا و ل سەر پارچە زەڤیا ژمارە (1/5762) کەرتێ دولبێ – قەزا سێمێلێ/تەناهی و رووبه‌رێ پڕۆژه‌ى 2010،54م2 و رێژا بجهئینانێ تنێ ئەرد هاتییە راستکرن.
