پەرلەمانێ عێراقێ دێ مێهڤاندارییا فوئاد حسێنی كه‌ت

  

 

ده‌ربارەیی هێرشێن تورکیا و ئیرانێ بۆ سەر هەرێما کوردستانێ و ئۆپەراسیۆن و تۆپبارانێن هەردو ئالییان، پەرلەمانێ عێراقێ ب سەرۆکاتییا جێگرێ سەرۆکی، دێ مێهڤاندارییا وەزیرێ ده‌رڤه‌ یێ عێراقێ كه‌ت و دێ هژمارەكا پرسیاران هێنه‌ ئاراستە كرن.

بڕیارە ئەڤرۆ ئێكشەمبی پەرلەمانێ عێراقێ ب ئامادەبوونا لژنا پەیوەندیێن دەرڤه‌ و هەر پەرلەمانتاریكێ دیتر یێ بڤێت دشێت ئامادە بیت، دێ مێهڤاندارییا فوئاد حسێنی، وەزیرێ دەرڤه‌ یێ عێراقێ كه‌ت ده‌ربارەیی وان هێرشێن هەر ئێک ژ تورکیا و ئیرانێ یێن دکەنە سەر هەرێما کوردستانێ و عێراقێ و سەرەوەرییا ڤی وه‌لاتی پێشێل دکەن.”

 مێهڤانداریکرنا فوئاد حسێنی، ل سەر داخوازییا حەسەن عەزاری، سەرۆکێ فراکسیۆنا رەوتێ سەدری و ب ئیمزایا 50 پەرلەمانتاران بوویە.