تابلویێن ترۆمبێلان ل عیراق و هەرێما کوردستانێ دێ هێنه‌ گوهۆرین

تابلویێن ترۆمبێلان ل عیراق و هەرێما کوردستانێ دێ هێنه‌ گوهۆرین و پشتی جەژنێ دێ دەست ب گوهۆرینێ هێتە کرن.

تابلویێن نوو ناڤێن باژێران ل سەر تابلویێ نامینن، ل جهێ وان بۆ هه‌ر پارێزگەهەکێ دێ کۆدەک هەبیت، بۆ سلێمانیێ كۆدێ 21، بۆ هەولێرێ 22، بۆ هەلەبچە 23 و بۆ دهۆکێ ژی كۆدێ 24.

ل لایێ چەپێ یێ تابلویی ناڤێن ئیراق و هەرێما کوردستانێ ب کورتکرنا پیتێن ئینگلیزی هاتینە نڤیسین.

لدووڤ وەزارەتا ناڤخۆ، تابلویێن ترۆمبێلان دێ ب ڤی رەنگێ خوارێ هێنە تەرخانکرن.

1: ئەو ترۆمبێلێن ژمارا تابلۆیێن وان 1 هه‌تا 99999 دێ هەمان ژمارە وەرگرن و پیتا A دێ ل سەر زێدە بیت.

2: ئەو ترۆمبێلێن ژمارێن وان (100000، 200000، 300000، 400000، 500000، 600000، 700000، 800000 و 900000) دێ هەمان ژمارە بۆ هێتە دانان و ب تنێ دێ ژمارا دووێ ژ لایێ چەپێ هێتە لادان و ل شوینا وێ دێ پیتا M بۆ هێتە دانان.

3: ئەو ترۆمبێلێن ژمارا تابلویێن وان ژ 100001 هه‌تا دووماهییێ ژ بلی ئەو ژمارێن د خالا دووێ دا، دێ هەمان ژمارە بۆ هێتە دانان و ژمارا دووێ ژ لایێ چەپێ ڤە دێ هێتە لادان و ل شوینا وێ دێ ئێک ژ ڤان پیتان بۆ هێتە دان ل گۆرەی وێ ژمارا دهێتە ژێبرن،  (0-B), (1-C), (2-D), (3-E), (4-F), (5-G), (6-H), (7-J), (8-K), (9-L).

4: ئەگەر ب لادانا ژمارا دووێ ژ لایێ چەپێ ژمارا تابلویی ل گەل ژمارەکا دی وەکهەڤ بیت، دێ ژمارا سییێ هێتە لادان و پیتا M لێ زێدە بیت.