هه‌تا نوكه‌ 60 كه‌س ل عیراقێ تووشی تایا خوینبه‌ربوونێ بووینه‌

وه‌زاره‌تا ساخله‌مییا عیراقێ راگه‌هاند، هه‌تا نها 60 كه‌س تووشى تایا خوینبه‌ربوونێ بووینه‌ و هه‌شت كه‌سان ژى گیانێ خوه‌ ژ ده‌ستدایه‌.

د. هه‌یسه‌م عۆبێدی” رێڤه‌به‌رێ پشته‌ڤانییا ساخله‌مییێ ل وه‌زاره‌تا ساخله‌مییا عیراقێ دیاركر، هه‌تا نها 60 كه‌س تووشى تایا خوینبه‌ربوونێ بووینه‌ و هه‌شت كه‌س مرینه‌ و ئه‌و ژماره‌ هاتینه‌ تۆماركرن و ره‌نگه‌ زێده‌تر ژى هه‌بن و به‌هرا پتر یا تووشبویان ل پارێزگه‌ها زیقارن.

ناڤهاتی ئاشكرا كر ژی، ئه‌گه‌ر د خێزانه‌كێ دا كه‌سه‌ك تووش ببیت، ئه‌و كه‌سێ چاڤدێرییا وى نه‌خۆشى دكه‌ت نابیت یێ نه‌خۆش بیت یان برینه‌ك هه‌بیت، ژبه‌ركو وه‌كو كورۆنایێ نینه‌ كو ب هه‌ناسێ بهێته‌ ڤه‌گوهاستن ژبه‌ركو برێیا برینێ دهێته‌ ڤه‌گوهاستن.

لدووڤ ئاخڤتنێن هه‌یسه‌م عوبێدى، هه‌تا نها چ چاره‌سه‌رى بۆ ڤێ نه‌خوشییێ نه‌هاتینه‌ دیتن ل هنده‌ك وه‌لاتێن دی ژى په‌یدابوویه‌ و ره‌نگه‌ ئه‌وێ تووش دبیتێ بمریت.