سەباح سوبحی پەرلەمانتارێ پارتی ل بەغدا راگه‌هاند: وان دەستپێشخەريا هه‌ماهه‌نگیا شیعى ب رێيا راگه‌هاندنێ دیتیيه و هیشتا نه‌گه‌هشتیيه فراكسیؤنا پارتى دیموكراتى كوردستان ل به‌غدا.
ناڤهاتی ده‌رباره‌یی کومبوونا پارتی ل گەل ئێكه‌تى نیشتمانی کوردستان گوت: “پارتی ب ئاخڤتن و بریارا چ لایه‌نێن دى ده‌ست ب چ كومبوونان ناكه‌ت ” پارتى ئاخڤتن و بریارا خوه یا تایبه‌ت هه‌یه، پارتى پلانه‌كا ستراتیژى هه‌یه، ده‌رگه‌هێ دانوستاندنێ ل گه‌ل ئێكه‌تییێ یێ ڤه‌كرییه “ به‌لێ هه‌كه لایه‌نێ دی یێ ئاماده نه‌بیت بۆ دانوستاندنێ و چاره‌سه‌ركرنا ئاریشان ئه‌م ژى وه‌كو پارتى ب چ شێوان ل گه‌ل وان دا نینین.
سەباح سوبحی دیاركر ژی: داخواز ژ وان هاتییه كرن دانوستاندنێ ل گه‌ل ئێكه‌تییێ بكه‌ن ” به‌لێ ئه‌و درژدن ل سه‌ر هه‌لویستێ خوه، ئه‌م ژى درژدین ل سه‌ر كاندیدكرنا به‌ربژارێ پارتى رێبه‌ر ئه‌حمه‌دی بۆ پوستێ سه‌رۆك كومارێ عیراقێ.
وی په‌رله‌مانتاری ئاشكرا كر ژی: مافێ پارتییه پۆستێ سه‌رۆك كومارى وه‌ربگریت ” چونكی خودانا زۆرترین كورسییانه ل كوردستانێ و پۆستێ سه‌رۆك كومارى ژى ب مافێ خوه دزانین.
